استحملتيني كتير.. محمد فراج يوجه رسالة حب مؤثرة لـ بسنت شوقي بمناسبة عيدميلادها

وجه الفنان محمد فراج رسالة حب وتقدير وامتنان وشكر إلى زوجته الفنانة بسنت شوقي بمناسبة عيد ميلادها، معبرًا فيها عن عميق حبه وتقديره لها، ومؤكدًا على دورها الكبير في نجاحه وجميع خطواته.

وكتب محمد فراج عبر حسابه بموقع إنستجرام: ماينفعش أقولك كل سنة وانتي طيبة قبل ما أقولك جوايا شكر وحب واعتراف بالجميل وحاجات كتير ليكي إنتي طول عمرك معايا بتنصحيني بتوعيني بتحبيني مؤمنة بيا سابقاني دايمًا بخطوة في تفاصيل حياتنا الصراحة هي مش خطوة واحدة هما كذا خطوة.

وأضاف: استحملتيني واستحملتي عصبيتي وقلقي وسخافاتي وقت الشغل وخصوصًا الفترة اللي فاتت واللي كان فيها الموج عالي قوي ومع ذلك بتبقي أول واحدة تقولي براڤو عجبتني واخدة بالك مني وليكي في كل خطوة أخدتها ربنا كرمني فيها ليكي فى كل دور حلو أنا مثلته شايلة همي وحِملي وحِملك وحِمل القطط وحاجات كتير كتير وفوق كل ده كمان زى القمر.

وأختتم محمد فراج: أنا لو اتكلمت وحكيت من هنا لعيد ميلادك السنة الجاية والله مش كفايا تفتكري بعد كل ده كلمتين حتى لو صادقين ومن القلب يوفوكى حقك كل سنة وانتي أحلى صوص بيدى طعم للحياة كل سنه وانتي حبيبتي.

أحدث أعمال محمد فراج

يشارك محمد فراج في فيلم "الست" بطولة الفنانة منى زكي، والذي انطلق عرضه في السينمات الأربعاء الماضي، وحقق إيرادات مرتفعة في شباك التذاكر، حيث تخطت إيرادات 7 ملايين جنيه على مدار ثلاث أيام.