بعد إيقافه.. بكاء إسلام كابونجا في أول تعليق على أزمته مع الموسيقيين: حسبي الله ونعم الوكيل في أي حد بيأذيني في أكل عيشي

أثار قرار منع وإيقاف مطرب المهرجانات إسلام كابونجا من الغناء جدلًا واسعًا، ومن المقرر أن يتم التحقيق معه داخل نقابة المهن الموسيقية في خلال ساعات، لكنه خرج عن صمته من خلال بث مباشر لتوضيح حقيقة الأمر.

حيث قال إسلام كابونجا في حديثه: عايزكم في موضوع كده بالنسبالي حياة أو موت، طبعا كلنا شوفنا الخبر اللي نزل أن أنا اتوقفت، أي حاجة تصدر من النقابة على دماغي، بس اقسم بالله العظيم وهحلف على المصحف وغلاوة بنتي الأغاني دي قديمة، وفي ناس أخواتي ياما هل تؤيد القبض على إسلام كابونجا، وناس مني وناس بتسمعني وناس بحبها كاتبين نعم نؤيد، أي حد يؤيد فوق دماغي، بس الأغاني دي قديمة، وحسبي الله ونعم الوكيل في أي حد بينزلي فيديوهات قديمة عشان يرازيني في أكل عيشي، ورزق بنتي، أنا عندي تحقيق كمان شوية عادي أي حاجة تصدر في التحقيق فوق رأسي، أنا غلطان ، بس واللهي الأغاني دي قديمة، الناس اللي بتسمعني هتعرف القديم من الجديد، الأغاني من الصيف اللي قبل اللي فات.

واختتم إسلام كابونجا حديثه باكيًا وقائلًا: عموما الناس اللي عايزاني اتوقف أنا اسف ليكم لو أنا سمعتكم حاجة مش عجباكم، الحاجات دي قديمة واتحسبت عليها خلاص، الناس اللي شايفاني وحش متعاملوش معايا وبيحكموا عليا من بعيد، في ناس ياما رزقها هيتقطع بس أنا كفيل بيهم طول فترة وقفي، وأيف لو سمعتكم حاجة وحشة بس أنا اتغيرت وناس كتير سمعتكم حكاجات وحشة واتغيرت.

تفاصيل أزمة إسلام كابونجا

وتعرض مؤدي المهرجانات الشعبية إسلام كابونجا، لموجة انتقادات حيث طالب مستخدمو مواقع التواصل الاجتماعي بالتحقيق معه بسبب كلمات أغنيته الجديدة، حيث انتشر مقطع فيديو بـ كابونجا، خلال تسجيل أغنيته الجديدة، قال خلاله: أنت سوابقك سرقة وأنا جرائم نفس، سيطك بله في ماية أنا مطوتي في إيديا تخش معاك مش جاية فوق ياللي بتتطس.