مراد مكرم يهاجم منتقدي طه دسوقي: بدأ من الصفر والهجوم عليه مقصود

أعرب الفنان مراد مكرم عن استيائه من الهجوم الذي تعرض له الفنان الشاب طه الدسوقي عقب ظهوره في حفل افتتاح مهرجان الجونة السينمائي، مؤكدًا أنه لا تربطه به أي علاقة شخصية، لكنه شعر بالضيق من الحملة الموجهة ضده على مواقع التواصل الاجتماعي.

وكتب مراد مكرم في منشور عبر صفحته الرسمية على فيس بوك: لا تربطني اية صلة صداقه أو معرفه حتي بالفنان الشاب طه الدسوقي، بس ضايقني اوي كم الهجوم عليه من ناس كتير وصفحات كتير، زي ما يكون الموضوع مقصود ومدبر.

تابع: وأنا هنا هقول شهادة حق ،من شخص في نفس المجال طه ابتدي من الصفر، ممكن بدايته كانت ستاند اب كوميدي ، بس فيه غيره كتير اوي ومشهورين اوي في مجالهم ، يمكن اشهر منه، بس ماعرفوش يمثلوا ،سواء مش موهوبين ، أو ما جتلهمش الفرصه بس طه عافر ودور على الفرصه ، ولما جاتله ذاكر واجاد دور المحامي ولا دور اولاد الشمس ولا ادوار تانيه كتير اثبت فيها طه انه معجون فن،وماحدش جاملههو يستحق الفرصة.

وأضاف: نيجي بقي لمقدمته في افتتاح مهرجان الجونه، قال كلام في قلب كل ممثل، وقاله ببساطه وتلقائيه وخفة ظل وقبول من عند ربنا فيه فعلا كام واحد ما ضحكوش من الحضور ودول إلى الناس دي مسلطه عليهم في بوستاتهم، و فيه مئات تانيين في الحضور وملايين في البيوت سخسخوا على روحهم من الضحك ،أو على الاقل ابتسموا.

واختتم: الي يعرف طه يقوله ،ما تزعلش ..انت فنان وموهوب، بس فيه ناس ،لأسباب مجهولة ما بيحبوش الخير لحد.