منة شلبي: وأنا داخلة أمثل بقول يارب ساعدني أعمل الدور كويس

قالت الفنانة منة شلبي خلال ندوة تكريمها في مهرجان الجونة السينمائي، إنها في كل مرة تدخل فيها تجربة فنية جديدة، تشعر بالمسؤولية الكبيرة وتلجأ إلى الدعاء، مضيفة:
«وأنا داخلة أمثل بقول يا رب ساعدني أعمل الدور كويس، وأكون عند حسن ظن الناس، لأني بحس إن كل عمل امتحان جديد لازم أقدّمه بإخلاص».

وأضافت منة أنها أثناء التفاوض قبل التعاقد على أي عمل تكون على علم كامل بقيمتها، لكن بعد التعاقد وأثناء التنفيذ تعتبر نفسها أقل من أي شخص في الفريق، وتتعامل بتواضع شديد لأنها تؤمن أن النجاح عمل جماعي.

وتابعت منة شلبي حديثها عن حبها الكبير للفن والعاملين في الكواليس قائلة:
«نفسي أعمل فيلم عن الناس اللي ورا الكاميرا، لأننا بنقضي معاهم وقت طويل جدًا، ومفيش حاجة بنقدر نعملها من غيرهم، هما الأساس الحقيقي في أي عمل فني».

واختتمت حديثها مؤكدة أن التمثيل بالنسبة لها «قصة حب»، قائلة: التمثيل لازم تكون بتحبه بصدق، مش بتحب اللي بييجي بعده من شهرة أو نجاح، والنجاح الحقيقي مش بس في تصفيق الناس، لكن في إنك تفرح وتتعلم، وما تعيشش في نفس المنطقة علشان ما تقعش في فخ الغرور.