منة شلبي: نفسي أعمل فيلم عن الناس اللي ورا الكاميرا

تحدثت الفنانة منة شلبي خلال ندوتها في مهرجان الجونة السينمائي عن حبها الكبير للفن والعاملين في الكواليس، قائلة:
"نفسي أعمل فيلم عن الناس اللي ورا الكاميرا، لأننا بنقضي معاهم وقت طويل جدًا، ومفيش حاجة بنقدر نعملها من غيرهم، هما الأساس الحقيقي في أي عمل فني."

وأضافت منة:
"التمثيل قصة حب، لازم تكون بتحبه بصدق، مش بتحب اللي بييجي بعده من شهرة أو نجاح."
وتحدثت أيضًا عن مفهومها للنجاح قائلة:
طبعًا يهمني الناس تتفرج، لكن في أفلام نفسي أعملها حتى لو نجاحها هيكون خاص أو هيحتاج وقت علشان الناس تحس بيه، المهم إنك تفرح وتتعلم، بس ما تفضلش عايش في نفس المنطقة علشان ما تقعش في فخ الغرور.