”كان جاري لما كنت بمسح العربيات”.. شاب يروي موقفا إنسانيا لـ أمير عيد

روى شاب موقفا إنسانيًا لـ الفنان أمير عيد بحفله الأخير، أشاد به بـ أخلاقه، مشيرًا إلى أنه كان جاره في منطقة المعادي، وتفاجأ من تذكر الفنان له بحفله الأخير، معربًا عن سعادته الكبيرة مثنيًا على تواضع الفنان.

وكتب الشاب منشور عبر حسابه على موقع فيسبوك: أمير عيد كان جاري في المعادي لما كنت في الشارع بمسح عربيات كان طيب معايا جدا، وإنسان مكنتش متوقع أنه هيفتكرني بصراحة بس من أكتر الأوقات اللي سعيد بيها دلوقتي لقيته عملي استوري على انستجرام أنه لسه فاكرني لأن مكنتش كل الناس مصدقاني إني كنت بعاني بجد وبقيت متعافي ومتطور وحياتي كلها حقيقية.

وتابع: أنا دايما مكنتش متضايق من اللي حصلي في حياتي لأنه بقى ماضي أنا زعلت لما حسيت إني لوحدي بس بعد دعم كل اللي كانوا موجودين في قصتي مكنش حد هيصدقني غير اللي قلبهم سليم لأني مقولتش أنك تحبني أنا بحكي علشان كنت تعبان بجد أوي ومش عارف أتصرف إزاي وأنا شايل كل ده جوايا كنت بتمنى الناس تصدقني وتشاركني بس إني مكنتش حد عادي.

وأختتم حديثه قائلا: أنا عشت حياتي كلها بدور على أحلامي وحياة زي بقيت الناس واخد حقي وأخدت حقي لما أتكلمت وأشتغلت على نفسي وبقيت كويس من تاني شكرًا والله لكل إنسان محترم ساعدني أبقى مبسوط بس لأني أصلا مش سهل أبقى مبسوط بالذكريات اللي جوايا دي بس بحاول كل مرة ومش بيكون عندي يأس بجد هحاول كتير.