محمد هاني: ”عُمري ما زعلت من جمهور الأهلي.. وهشتغل على نفسي عشان أفرّحهم”

وجّه محمد هاني، ظهير أيمن النادي الأهلي، رسالة مؤثرة لجماهير القلعة الحمراء، مؤكدًا أنه يرتبط بهم بشكل عاطفي كبير، وأن دعمهم المستمر كان دائمًا حافزًا له لمواصلة العطاء داخل المستطيل الأخضر.

وقال هاني:

"أنا من أكتر الناس اللي متعلقين بجمهور الأهلي. بقالي 20 سنة في النادي، وعمري ما زعلت من الجمهور، حتى لو زعلانين مني أو من مستوايا، أنا بتضايق عشانهم، مش منهم."

وأضاف:

"بقالي 11 سنة في الفريق الأول، أنا أكتر واحد عاشر الجمهور عن قرب.. دايمًا بيكونوا معانا في كل مكان، سواء بنكسب أو بنخسر. نروح أمريكا، نروح أي حتة، نلاقيهم ماليين الاستاد."

واختتم تصريحاته برسالة طمأنة للجمهور:

"فخور بوجودي في الأهلي، وهشتغل على نفسي أكتر خلال الفترة الجاية عشان أكون عند حسن ظنهم وأقدّم كل اللي عندي بنسبة 100% عشان أبسطهم."

يُذكر أن محمد هاني يُعد من الركائز الأساسية في تشكيلة الأهلي خلال السنوات الأخيرة، وشارك في العديد من التتويجات القارية والمحلية مع الجيل الحالي.