خالد بيبو يفجر مفاجأة: فيه مدافعين هيروحوا من الزمالك لـ الأهلي الفترة المقبلة

كشف خالد بيبو مدير الكرة السابق في النادي الأهلي مفاجأة كبيرة بشأن اللاعبين المحتمل انتقالهم من صفوف الزمالك إلى القلعة الحمراء.

وقال خالد بيبو، في تصريحات تليفزيونية: في لاعيبة تانية هتروح من الزمالك لـ الأهلي.. في مدافعين هيروحوا من الزمالك لـ الأهلي الفترة المقبلة.

وأضاف: علي معلول موقفه مختلف عن حمزة المثلوثي، الأهلي مش بيمشّي حد مصاب وبيستنى عليه، ودا مش معناه إن الزمالك بيمشّي اللاعبين مصابة، ولكن دا سيستم في النادي الأهلي إنه يصبر على كل اللاعبين.

وأشار خالد بيبو في تصريحاته: المثلوثي لاعب مهم للغاية بالنسبة لنادي الزمالك، وأتمنى الزمالك ميحسش إنه خسر لاعب كويس ومهم للغاية لما اللاعب يرجع يلعب تاني ويقف على رجله.

وأتم تصريحاته: أنا مش بعمل فريق عشان بطولة واحدة، وأيوة حققنا الهدف الأساسي وتذيل الأهلي ترتيب المجموعة حاجة تخص الأهلي فقط مش أي حد تاني.