أحمد شوبير: دكة الأهلي عايزة تتظبط.. وزيزو لم يغضب بسبب تبديله

أزاح أحمد شوبير الستار على تغييرات خوسيه ريبيرو المدير الفني لفريق الكرة الأول بالنادي الأهلي في مباراة إنتر ميامي الأمريكي في افتتاح كأس العالم للأندية 2025.

وقال أحمد شوبير في تصريحات إذاعية: انت لحقت تحكم على ريبيرو؟ هل دا معقول ومنطقي وعقل؟، انت ملحقتش تحكم على المدرب، الأهلي قدّم شوط أول عظيم.

وأضاف: دكة الأهلي عايزة تتظبط، انت قاعد على الدكة عشان تنزل تغيّر النتيجة لصالحي مش تبقى عليا وتعمل ضغط عليا ومش أنا اللي اتضغط، ودا محصلش في تغييرات ريبيرو أمام إنتر ميامي، ومهم جدًا إن اللي ينزل من على دكة البدلاء ينزل عشان يغيّر النتيجة.

وأشار شوبير في تصريحاته: عجبني زيزو جدًا لما نزل غيّر شكل الأهلي في الملعب وحاول كثيرًا، وموضوع تغييره بسبب إن ريبيرو رأى أن زيزو لعب 65 دقيقة وهو مكنش عامل حسابه إنه يلاعبه كل الدقائق دي، وقرر إنه يبدله كأن زيزو بدأ المباراة وخرج في الدقيقة 65 وزيزو تقبل الأمر جدًا ولم يغضب.