مسامحة من قلبي.. أسما شريف منير توجه رسالة لمنتقديها بسبب زواجها

ردت أسما شريف منير مجددًا على موجة الهجوم الشديدة التي تعرضت لها مؤخرًا بعد تصريحاتها التي كشفت خلالها سبب زواجها الثالث، موضحة أنها لا ترد الإساءة بالإساءة.

وكتبت أسما شريف منير عبر حسابها الرسمي على انستجرام: لكل شخص شتمني، تنمّر عليّا، أو أساء الظن بيّا، أنا مش بزعل، ومش باخدها على قلبى مش لأني ما بحسّش، لكن لأني تعلّمت إن القلوب اللي فيها نور، بتعفو، وبتعدي، لأن ربنا قال: والكاظمين الغيظ والعافين عن الناس والله يحب المحسنين.

وأضافت: أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة، ربنا أمرنا نكون أرقى، حتى قدام الظلم: ولا تستوي الحسنة ولا السيئة، ادفع بالتي هي أحسن اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه: «يا أيها الذين آمنوا اجتنبوا كثيرًا من الظن، إن بعض الظن إثم».

واستكملت: أنا مسامحة من قلبي، مش ضعف، لكن قوة إني ما أخليش الحقد والزعل يسكن في صدري، وسايبة كل حاجة لربنا، لأنه قال: فمن عفا وأصلح فأجره على الله.

واختتمت أسما: أنا عندي رسالة أمل، وبدعي من قلبي إن ربنا يكرم كل ست، وبشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم ولا من الكلام اللي بيقول: مريضة، مستفزة، بجحة، وكلام كتير مالوش لازمة، كله اتبدل بحسنات، ربنا هو اللي بيختار ويعوض مش الناس.