زيزو: الكثير من لاعبي الزمالك يتواصلون معي حتى الآن لكن بدون ذكر أسماء

أزاح أحمد سيد زيزو لاعب فريق الكرة الأول بالنادي الأهلي، الستار عن طموحاته وأحلامه مع المارد الأحمر عقب أن انتقل إليه في صفقة انتقال حر بعد انتهاء عقده مع نادي الزمالك.

وقال زيزو في تصريحات تليفزيونية: لا يوجد لدي أصدقاء مقربين من الوسط الكروي، وأنا حياتي كلها ومعظم وقتي التمرين والوقت والجيم لا أكثر ولا أقل، ومندمتش على حاجة في حياتي وكل حاجة بيكون لها سبب وكل حاجة مخططة من ربنا ودايمًا خير ولو رجع بيا زمن هتجوز مراتي تاني، وأنا من النوع اللي بيفكر كتير طول اليوم.

وأضاف: المنافسة مع لاعبي الأهلي هي صحية للفريق خاصةً أنهم لاعبين كبار ولديهم طموح للوصل إلى أبد درجة ممكنة، ولم أتوقع مشاركتي في الشوط الثاني في مباراة باتشوكا الودية، لم أستطع أن أشارك مع الفريق في التدريب الأخير قبل المباراة، ولكني تحدثت مع المدير الفني، هو أخبرني أنه لابد من دخولي مع الفريق بشكل سريع وأنا لدي حماس لأكون متواجد مع الفريق في أسرع وقت، لذلك اتفقنا على منحي 15 دقيقة أو 20 دقيقة في المباراة، وأنا بعمل الشغل اللي بعرفه وبساعد الفريق وبلعب المباراة وأنا أعلم أنن التوفيق لو مكتوب هيحصل ولو مش مكتوب مش هيحصل والواحد بيسعى والباقي بتاع ربنا، وراضي 70% عن مستوايا في المباراة.

وأشار زيزو في تصريحاته: اللي بيقولي عليه المدرب هو اللي أنا بعملها ودا اللي مخليني متواجد في منتخب مصر على مدار 5 سنوات، وخطة 4-3-3 و4-2-3-1 هم المفضلتين بالنسبة لي.