شوبير يهاجم اتحاد الكرة

شن الإعلامي أحمد شوبير، هجومًا على مجلس إدارة الاتحاد المصري لكرة القدم برئاسة المهندس هاني أبوريدة.

وقال شوبير في تصريحات إذاعية:"بعد إذن الرابطة لو سمحتم اعملوا لائحة محترمة، وقولولنا هترجعوا الدوري 18 نادي امتا، سؤال بسيط وسهل".

وشدد:"في كارثة هتحصل أنا بحذر منها وهقول وهصرخ، هو أنت بجد عايز تصعد 6 فرق، وتعمل الدوري 24 نادي، على مجموعتين".

وأوضح:"لا والله بجد، صحيح، انتوا عايزين تعملوا دا، ايون اتحاد الكرة يا عم، وعايز يعمل اوكازيون في الصعود، يا عم أنت أصلا جاي بالتزكية ومكنش عندك انتخابات، عايز تراضي الكل ازاي".

وأتم شوبير تصريحاته قائلا:"وبعدين أنت عندك مصيبة أصلًا في الاستثمار كدا، وهيكون عندك مشكلة في توزيع الأندية ومش هتعرف تستثمر بسبب تقسيم الأندية الكبيرة في المجموعات".