شوبير يكشف حقيةق عرض الـ 7 مليون دولار لضم لاعب الأهلي

كشف الإعلامي أحمد شوبير، حقيقة عرض تلقي مصطفى شوبير، حارس مرمي النادي الأهلي عرضًا من فالنسيا الإسباني مقابل 7 مليون دولار.

وقال شوبير في تصريحات إذاعية:" بالمناسبة يا جماعة عشان أنا كنت بتكسف أكلم في الموضوع ده، كل الكلام واللي إتقال حول عرض بـ 7 ملايين دولار لضم مصطفى شوبير لصفوف فالنسيا الإسباني كلام لا أساس له من الصحة".

وتابع: "الشركة تواصلت مع الأهلي بشكل رسمي، وبالتحديد مع كابتن محمد يوسف، وحصل كلام كثير جدا جدا، وهى شركة تسويق ومن ضمن الأندية اللي بتتعامل معاها فالنسيا وخيتافي الإسبانيان".

وأكمل: "لكن لا فيه عرض بـ 7 ملايين ولا 5 ملايين ولا أي حاجة من دي، لكن في النهاية مصطفى شوبير تحت أمر الأهلي، الأهلي هيقول له أقعد هيقعد، آه حلمه الاحتراف زي أي لاعب في الدنيا، وفيه كلام جدي جدا من شركة التسويق، وهى نفس الشركة المسؤولة عن عمر مرموش على فكرة".

وأضاف شوبير: "طيب إيه اللي جاب سيرة فالنسيا؟، القصة إن فالنسيا حارس مرماه مشي راح ليفربول، فلما اتكلموا كان حارس فالنسيا مشي وهما في احتياج إلى حارس والشركة بتتعامل مع فالنسيا، فتم الربط بين شوبير والنادي الإسباني، لكن لم يطرح فالنسيا بشكل رسمي وقد يكون من ضمن الأندية".

واختتم شوبير: "تم السؤال من قبل الأهلي هل العرض للاعب بيع ولا إعارة عشان يعرفوا الحدودتة هتكون عاملة إزاي".