محمد عدوية يتذكر والده بكلمات مؤثرة: حاجات كتير افتقدتها من بعدك

تذكر الفنان محمد عدوية والده الراحل ملك الغناء الشعبي أحمد عدوية، الذي رحل عن عالمنا في الأشهر الماضية، تاركًا خلفه حزنًا كبيرًا في قلوب جمهوره وكل محبيه، حيث كانت وفاته صادمة لكل محبيه.

وكتب محمد عدوي منشورًا، عبر حسابه الشخصي بموقع التواصل الاجتماعي فيسبوك، قال فيه: من أصعب اللحظات المرعبة اللي عدت عليا في حياتي بعد ما دفنا الأستاذ أحمد عدوية، وخدنا العزاء أنا فعلًا حرفيًا كنت حاسس أحاسيس غريبة، والناس وأصدقائي وحبايبنا بيسلموا عليا أنا في الوقت ده لا سامع ولا حاسس بـ أي حد حواليا، وخمس آلاف فكرة بتيجي في دماغي.

وأضاف نجل عدوية: أقول لنفسي هو معقول كدة خلاص، هروح البيت مش هلاقيه زي كل مرة قاعد مستنيني، ويعملي من النسكافية اللي هوا بيحبه، ونفضل نتكلم ونهزر ونضحك، حاجات كتير افتقدتها من بعدك يا أستاذي.. ربنا يرحمك يا بابا أنت وأمي يا رب ربنا يرحم جميع أمواتنا وأموات المسلمين يا رب العالمين.