سلوى عثمان تدعم محمد رمضان بهذه الطريقة

أعلنت الفنانة سلوى عثمان، عن دعمها للفنان محمد رمضان، بعد أن انتقده الجمهور إطلاقه على نفسه لقب "نمبر وان"، كما دافعت أيضًا عن الفنانة مي عمر بعد تعرضها للانتقادات بأن زوجها هو صاحب الفضل عليها رغم أنها لم تمتلك موهبة.
وقالت سلوى عثمان، أثناء لقائها في بودكاست "Boom Shot": "مي عمر لو مكانتش بتجتهد مكنش محمد سامي كمل معاها، هي بتجتهد ومهتمة وعايزة تعمل حاجة مختلفة وكل شخصية بتقدمها بتشتغل عليها كويس أوي".
كما دافعت عن محمد رمضان، قائلة: "محمد رمضان لو حابب لقب ”نمبر وان" وشايف إن هو فعلا كدا عادي تمام يمكن ده بيحفزه على إنه يعمل حاجات أحلى".
وأضافت سلوى عثمان: "محمد رمضان كإنسان وزميل أنا مشوفتش منه أي حاجة، هو متعاون مع زملائه وحابب فنه وشغله ومهتم باللي قدامه مش بنفسه بس وده مش مجاملة".
وتحدثت سلوى عثمان عن تعمل محمد رمضان معهم في مسلسل "البرنس"، وقالت: "محمد رمضان مش أناني لإننا لما كنا في مسلسل ”البرنس" كان كل الناس أبطال، ويمكن في معظم المشاهد دوره مكنش باين أوي فمكنش عنده اعتراض".