«كل النجوم جت من أندية صغيرة».. شوبير يشيد بصفقة الأهلي الجديدة

أشاد الإعلامي أحمد شوبير بتجربة النادي الأهلي الجديدة مع نادي ديلفي الذي يشرف ويتولى الإنفاق عليه النادي الأهلي ليكون بمثابة ناديًا ثانيا تابعا له.

وقال أحمد شوبير: «إمبارح النادي الأهلي ضم لاعب اسمه مصطفى الدكش من نادي ديلفي عنده 18 سنة مواليد 2007 عاجبني الفكرة جدا إنه يكون لأول مرة فيه نادي تاني تابع للأهلي بيصرف عليه زي ما موجود في أوروبا والتجربة دي بقت في مصر موجودة في أكثر من نادي».

وتابع شوبير: «الأندية دي أصبحت بتمد الفرق الكبيرة باللاعبين فبتمنى التجربة دي تستمر وشايف إنها فكرة كويسة اللاعيب هيلعب والأرقام في الانتقالات هتبقى قليلة واللاعب هيبقى عنده أمل يروح الأهلي طالما بيلعب في نادٍ تابع له».

وأضاف شوبير: «كمان كل النجوم الكبار جم من أندية صغيرة يعني مثلا حسام غالي من بيلا عماد متعب من بلبيس وإمام عاشور من السنبلاوين، ونجوم كثير جدا في السابق، وزمان يا جماعة كانوا بيجيبوا لاعيبة من مركز شباب شبرا مثلاً، لأن موضوع الأكاديميات ده بقه صعب قوي».

واختتم شوبير: «قالأندية تشتغل شوية وتعمم التجربة دي، والأكاديميات كمان محتاجة تبقى أكاديميات بجد مش وسيلة فقط لجمع الفلوس».