شوبير: الخطيب يعاني من أزمة صحية.. وملف صفقات الأهلي غامض

أكد الإعلامي أحمد شوبير، أن محمود الخطيب، رئيس مجلس إدارة النادي الأهلي، يعاني من أزمة صحية، وتم احتاجزه في أحد المستشفيات.

وقال شوبير في تصريحات إذاعية: الخطيب كان في المستشفى بقاله كام يوم وخرج إمبارح بسلامة الله وطبعا تعبان وانا بقول له كلمة في ودنه: هون على نفسك ولازم أعضاء مجلس الإدارة ياخدوا ملفات ويشتغلوا عشان الدنيا تمشي".

وتابع حارس مرمي الأهلي ومنتخب مصر الأسبق:" ما هو حضرتك كل الملفات فوق راسك ده ضغط شديد ذهنيا ونفسيا ومعنويا فلازم الناس كلها تتعب مع حضرتك وتشتغل الفترة اللي جايه ولازم جمهور الأهلي يشعر بهذا، لإن الناس بتحبك وبتقدرك عشان أنت بتبذل مجهود خرافي في النادي".

وعن الصفقات قال شوبير:" سمعنا إن ملف الصفقات مع مروان النايب طيب ما تعلن وتقول مين مروان ده، ومين في مجلس الإدارة بيعاونه في هذا الملف، فأتمنى الدنيا تمشي بشكل كويس الفترة اللي جايه لإن أهم حاجة صحة البني آدم".

وأتم شوبير:" "أعلنت عن صفقة محلية، وقولت ان الاختيار كان بين محمد ربيعة ومصطفى العش والاختيار وقع على العش، ودا كان اجهاد شخصي مني، لكن الناس لحد الآن مش شايفة صفقات محلية ولا أجنبية ولا أي نوع من أنواع الصفقات، أكيد في حاجة والناس عايزة تعرف واحنا لازم نطرح تساؤلات الناس على المسئولين".