الفنان أحمد داود: أجري في ”بنت من شبرا” كان 150 جنيه

تحدث النجم أحمد داود عن ذكرياته مع مسلسل "بنت من شبرا" الذي شارك فيه وحكى عن الأجر الذي تقاضاه، قال داود في لقائه ببرنامج "ضيفي مع" من تقديم معتز الدمرداش إنه تقاضى 150 جنيها فقط وأضاف: "قالولي 150 جنيه وأنا قلت ماشي قالوا يومين تصوير لا 3 أيام أنا مكنش في دماغي كنت عايز أمثل، مضيت عقد من 9 ورقات بـ150 جنيه، ومكنتش أعرف أن عشان أعمل دور تاريخي المفروض الإنتاج يجيب الملابس، لكن روحت اشتريت هدوم وأجرت ملابس من المسرح بـ450 جنيه".

وتابع أحمد داود: "مكنش عندي فكرة أني أرجع أنا عندي شغف التمثيل، أنا لما اتخرجت اشتغلت حاجات مش بعيده عن الفن، أنا اشتغلت عشان يبقى عندي دخل مادي يقدر يخليني أعمل اللي أنا عايزة وأقدر أمثل، لحد دلوقتي بحب أكون مش محتاج أوي للشغل".