«ياعم أنت أسطورة الأساطير هنقول أيه تاني».. شوبير يوجه رسالة نارية إلى الحضري

أزاح الإعلامي أحمد شوبير حارس مرمى الأهلي ومنتخب مصر السابق الستار مقدمًا رسالة نارية إلى عصام الحضري حارس الأهلي ومنتخب مصر السابق في ظل التصريحات الأخيرة للحضري حول أنه أسطورة.

ودأب الحضري في لقاءاته الأخيرة عبر مختلف وسائل الإعلام على التأكيد على أنه أسطورة كبيرة في تاريخ حراسة المرمى في مصر وأفريقيا وكان يظهر منفعلًا في الكثير من اللقاءات.

وقال أحمد شوبير: «عايز أقول رسالة للكابتن عصام الحضري أنا بلاحظ إنك منفعل في كل حواراتك وتصريحاتك وأنا أسطورة ومش عارف أيه، يا عم أنت أسطورة الأساطير بس خلي الناس اللي تقول».

وأضاف شوبير: «أنت الأعظم يا عم والأفضل والأحسن وكبير ورائع وحلو يعني هنقول أيه تاني يا كابتن عصام يعني ما أنت مش هتلعب كورة تاني تخطيت الخمسين وعملت تاريخ عظيم محدش هيقدر يعمله».

واختتم: «خلي الناس يا كابتن عصام اللي تتكلم خلي العرب والمصريين والخواجات خليهم هما يتكلموا عليك ونفخر بيك، بتبقى حلوة لما تيجي الإشادة من الناس».