كزبرة يرد على تهكم محمد رمضان عليه

رد مؤدي المهرجانات كزبرة على الحرب الكلامية التي بدأت بينه وبين محمد رمضان، بعد تهكم الأخير عليه، بقوله "إحنا مش في محل عطارة عشان أرد عليه".

وقال كزبرة، من خلال ستوري عبر حسابه بموقع تبادل الصور والفيديوهات، انستجرام، " والله يا جماعة الكلام دا نفسي أقوله من بدري.. مش عارف لية كل لما أنجح في ناس بتحاول تطلع صورتي وحشة.. أنا بجد نفسيًا مبقتش قادر وبقالي فترة كبيرة كل لما أعمل حاجة حلوة مبقتش عارف أتبسط بيها ونفسيًا مش أحسن حاجة وربنا اللي عالم".

واستكمل:" الواحد كل اللي يهمه إنه يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية على إنه تافه مش موهوب والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا فيه عيب قدام جمهوره وإخواته اللي بيحبوه".

وأوضح:" بيتنسبلي كلام ما قولتهوش أو يتقلل مني بحاجات قديمة عملتها وأحيانًٍا بتوصل للتريقة علي اسمي بمجرد ما بعمل حاجة حلوة وتعجبهم.. أنا مش عارف ليه وده السبب اللي بيخلي إنسان طيب أول ما ينجح يتحول لإنسان عنده نقص وعنده حرب مع كل اللي حواليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع، فأنا يا جماعة مش عايز أوصل للمرحلة دي أنا عايز أكون إنسان طيب وفي حالي".

واختتم كلامه قائلا:" شكرًا لكل واحد بيدعمني من قلبه أو أي حد بيحب اللي بقدمه أو بينتقده بأسلوب كويس".