برسالة نارية مي فاروق توجه رسالة قاسية لشقيق محمد رحيم (تفاصيل)

هاجمت الفنانة مي فاروق، عبر حسابها الرسمي بموقع التواصل الاجتماعي فيسبوك، شقيق الملحن محمد رحيم بعد ساعات من وفاته، بعدما حاول الظهور في العديد من اللقاءات الإعلامية عقب الوفاة، فضلًا عن حديثه عما يخص شقيقه في حياته.

وكتبت مي فاروق، عبر حسابها على فيسبوك رسالة موجهة لشقيق محمد رحيم، قائلة: الله يرحمك ياغالي يا ذوق يا محترم عشت كبير ومحترم وهتفضل محترم وكبير وسيرتك سبقاك مهما حاولوا والله، لما بيحصل كده بعد ما مشيت اومال كان ايه اللي حاصل لك.

وأضافت: وأنت عايش ربنا رحمك عشان انت طيب وجميل وما تستاهلش القرف ده، مش لاقيه اي اسم للي بيحصل والله ده لا رحمه ولا ذوق ولا أدب ولا دين. ده مش دم ده ميه، حد يعالج الراجل ده وللا يشوفله حته يقفلها عليه بقي كفايه قرف مردودالك في يومك والله .

وأختتمت مي فاروق حديثها قائلة: طب احترم اللي كنت عايش تتشرف انك علي اسمه يا اخي وللا نفسك في الشهرة، وبتركب ترند علي سيرة وسمعة واحد الدنيا بتتشرف بيه، منتهي الرخص والقرف، حسبنا الله ونعم الوكيل كله مردود والله، اخص والله الف اخص.

يشار إلى أن الملحن محمد رحيم قد قدم عدد كبير من الألحان الغنائية لأهم وأبرز نجوم العالم العربي، منهم الهضبة عمرو دياب، الكينج محمد منير، اليسا، إيهاب توفيق، محمد فؤاد، هشام عباس، مصطفى قمر.