مكنش هيشوط.. مفاجأة بشأن تسديد شيكابالا ركلة الترجيح الأخيرة للزمالك أمام الأهلي

كشف أحمد حسام ميدو نجم الزمالك السابق، مفاجأة بشأن اختيار محمود عبد الرازق شيكابالا قائد القلعة البيضاء لتسديد ركلة الترجيح الأخيرة أمام الأهلي في نهائي كأس السوبر المصري.

وكتب ميدو عبر حسابه الرسمي على إكس: للناس اللي بتقول شيكابالا كان عايز ياخد اللقطة، عايز أقولكم إن شيكابالا مكنش داخل يشوط، بس للأسف في لاعب كان دوره ورفض إنه يشوط.

وأضاف: وقال للاعيبة أنا مش هشوط قبل كباتن الفرقة، فـ شيكابالا دخل شاط مكانه، دي الحقيقة شيكابالا مكنش عايز ياخد لقطة ولا حاجة، ولكن تحمل المسؤولية ككابتن فرقه بعد رفض لاعب التسديد.

وسبق وانتقد ميدو اختيار شيكابالا لتسديد ركلة الترجيح، حيث كتب: كل لاعب يمتلك قدرات مختلفة وشيكابالا مش أفضل حاجة في تنفيذ ركلات الترجيح، في مباراة بيراميدز بنصف النهائي شيكابالا لم يسدد ركلة جزاء، وأمام الأهلي كنت عارف إنه هيضيع.