نجلاء بدر تكشف عن دور إيمان الطوخي في حياتها الإعلامية

كشفت الفنانة نجلاء بدر عن بدايتها في العمل كمذيعة قبل اتجهاهها للتمثيل.

وقالت خلال لقاء لها مع القنان مراد مكرم، ببرنامج" "ساعة ونس" ،" نا كان نفسي أبقى ممثلة وكنت عايزة أدخل معهد فنون مسرحية قسم تمثيل، جبت مجموع كويس في الثانوية العامة 96%، بابا قالي لازم أدخل كلية مش معهد".

وأضافت:" في الوقت دا كانوا بيصوروا مسلسل "رأفت الهجان" وماما كانت بتشتغل في المسلسل في الأزياء، رحت أزورها في موقع التصوير وقابلت المخرج يحيى العلمي وسألني هتدخلي كلية إيه؟ قلت له عايزة أدخل معهد سينما، قالي لا أدخلي إعلام ما إيمان الطوخي أهي خريجة كلية إعلام وبتشتغل ممثلة".

وتابعت نجلاء بدر: "أنا مكنش في دماغي خالص، بس قالي على الأقل يبقى معاكي شهادة عشان لو منجحتيش كممثلة، حبيت الفكرة إني هدخل كلية إعلام هبقى مذيعة ولو منجحتش كممثلة هبقى جوا ماسبيرو".

وأنهت حديثها بهذه النقطة، قائلة:"

قدمت وأنا مش عارفة كلية إعلام هتجيلي ولا لأ، وفضلت شهر كامل كل ما يدخلوا المدرجات ينادوا على أسامي أقول هيقولولي أنتي جايه هنا غلط، كانوا بياخدوا من علمي 98% وأنا 96% مكنتش تدخلني، إزاي قبلوني مش عارفة".