مروان بابلو: أهملت الدين في عمر 18 عام واتغيرت على أهلي

اعترف مغني الراب مروان بابلو بأنه ابتعد عن الدين لفترة بعد انطلاق شهرته، لكنه بدأ يراجع نفسه أثناء السنة التي قرر فيها الاعتزال.

وقال مروان بابلو خلال حواره مع الإعلامي الإماراتي أنس بوخش في برنامج ABtalks عبر موقع يوتيوب: "أهملت الدين في الفترة من سن 18 لسن 25 سنة، العامل الديني كان موجود وكنت فاكر إني صح وإن الإيمان في القلب، واكتشفت إني مش صح".

وأضاف مروان بابلو: "في السنة اللي بطلت فيها المزيكا عرفت إن الدين عنصر رئيسي في تكوين شخصيتي، ورجعت أدور في الدين، لأن مع الشهرة بيحصل عندك جشع وتبقى عايز أكتر".

وأشار مروان بابلو إلى أنه لاحظ تأثير الشهرة على سلوكه بقوله: "في ذروة شهرتي بدأت تظهر حاجات في شخصيتي وبدأت أتغير على أهلي، أنا كنت دايما متعود أقعد مع نفسي كل فترة وأحلل الغلط والصح، ولما خطفتني الشهرة نسيت نفسي".