عمرو اديب يدافع عن أحمد حلمي وفيلم ”النونو”

دافع الإعلامي عمرو أديب، عن فيلم أحمد حلمي والذي يحمل اسم "النونو" المقرر إنتاجه بالمملكة العربية السعودية.

وقال عمرو أديب في فيديو عبر حسابه في موقع "إكس": "في لجان مخصوصة ومدروسة ومدسوسة شغالة على الموضوع ده، وسمعة مصر وأحمد حلمي وإنه إهانة للشعب المصري، وطبعا إحنا عارفين إن ده مضروب ومدبر وأغلبه متظبط، وطبعا في ناس ولاد حلال عايزين يقفوا جنب البلد وينقذوا البلد ويدافعوا عن كرامتها".

وأضاف: "أنا عايز أسأل سؤال، هو أحمد حلمي ده مش ابنكم وأخوكم وصاحبكم؟ هو أحمد حلمي إتولد من الحيطة؟ أحمد حلمي موجود من زمان يا جماعة وعمل مليون فيلم، فجأة تقرر إن أحمد حلمي باع بلده ودينه وحياته علشان شوية ريالات!"

وتابع: "أحمد حلمي لما عمل عسل إسود وقتها كان أحمد حلمي برضه، وطبعا في ناس عايزة تولع الدنيا وتخليها تعبانة وفيها توتر مهما الدنيا هديت وبقت لطيفة".