خميس شعبان عبد الرحيم: اشتغلت نجار موبيليا قبل الغنا.. ولو منزلتش الشغل أبويا كان بيحلقلي شعري ويموتني من الضرب

كشف الفنان خميس شعبان عبد الرحيم، نجل الفنان الراحل شعبان عبد الرحيم، عن المهن التي امتهنها قبل الغناء، موضحًا أن والده الراحل كان شديد في التربية.

وقال خميس شعبان عبد الرحيم، في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": أنا كنت في المدرسة وأنا في المدرسة كنت بروح أشتغل نجار موبيليا والأسطى بتاعي كان بيوديني أفراح بعد الشغل، علشان أنا ابن شعبان عبد الرحيم، وكنت بروح ببلاش والجيران كانوا بيعملوا أفراح ويحطوني على المسرح بالعافية، وغنيت مع أبويا وأنا في سنة 3 إبتدائي، والناس بقت تشوفني ولغاية ما بقيت أروح الأفراح بفلوس.

وتابع: واشتغلت في الرخام فترة، واشتغلت في حاجات كتير جدًا، وأبويا كان بيضربني ويموتني علشان أروح الشغل، ولو قعدت من الشغل علشان أبقى بايظ كان يحلقلي شعري ويكسرلي البطاقة، ومكنتش فاهم أنه عايز يعلمني صانعة، والمهم أشتغل أي حاجة أجيب منها فلوس.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.