بماذا وعد حسام حبيب صديقه تامر حسني

عبر الفنان حسام حبيب عن إعجابه بأغنية " فعلا مبيتنسيش" لرامي صبري وتامر حسني، عبر حسابه بموقع تبادل الصور والفيديوهات انستجرام.

وكتب حسام حبيب عبر خاصية “ستوري” على حسابه الشخصي على "انستجرام"، قائلًا: "أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه، إخواتي وأصحابي، تامر أنت من زمان وأحلامك وأفكارك كانت دايما تخص جيلك ودائما كنت بتتكلم معانا من وإحنا صغيرين باسم جيلنا مش باسم تامر، بس أنت حلمت لجيلك وعلشان كده أنا فعلا فهمت يعني إيه نجم الجيل".

واستكمل:" كنت زمان فاهم إن المقصود بيها إنك الأنجح وده حقيقي، لكن النهاردة فهمت معناها الحقيقي: أنت النجم اللي حلم لجيله مش لنفسه ودلوقتي حلمك بيتحقق يا صاحبي ".

وأضاف:" والنجم الثاني أخويا صاحب أجمد صوت وإحساس، كان دايما بيقولي أنا بحلم وعندي هدف وهو كمان كان دائما مهتم إن إحنا كجيل لازم نشارك بعض ونقدم للناس حقيقة روح وفن الجيل ده، وكان بكل تواضع بيقول ده لكل فنانين جيله لحد ما التقوا النجمين اللي هدفهم صادق وطلعولنا إبداع مش بس في المزيكا لا والله في الروح والفكر".

وانهى كلامه قائلا:" أنتم فرحتوني وأمتعتوني وخليتوني أفتخر إني من الجيل ده، اللي إن شاء الله عمر فنه وإبداعه ما هيخلص، شكرا إنكم فتحتم نفسي ورجعتوني أحب المزيكا يمكن أكتر من الأول يا جيل جامد وجامد قوي كمان، أنتم فعلا ما تتنسوش".

فيما رد تامر حسني على رسالة حسام حبيب عبر حسابه الشخصي على موقع تبادل الصور والفيديوهات "انستجرام"، قائلًا: "حبيبي يا حسام إيه الكلام الجميل ده، طول عمرك محترم وإنسان نضيف وفنان كبير، لو استفزناك بجد يلا ارجع زي الأول وأكتر".

وتابع حسني: "ارجع متعنا بأغانيك الراقية الجميلة والمزيكا الأجمل، لأن ليك جمهور كبير بيستنى شغلك وأكيد ليهم حق عليك، يلا صفحة جديدة مع مشوارك من النهاردة، يلا اوعدني قدام الناس إنك ترجع تاني”، ليرد عليه حسام “أوعدك يا نجم الجيل".

وأعاد حبيب التعليق على ما قاله تامر حسني قائلًا:"أوعدك".