منى زكي عن رحلة 404: حدوتة الفيلم مختلفة وفضلنا سنين نتأخر في التصوير

قالت النجمة مني زكي خلال لقائها بالبرنامج الشهير "صاحبة السعادة" الذي تقدمه الفنانة إسعاد يونس بقناة "دي إم سي": "الورق كان حلو وفرحت بالفيلم، ولما بدأنا نفكر في تصوير الفيلم، وقتها كنت حامل في ابني الوسطاني والمشروع بدأ يتعرقل وطول الوقت كنا بندور على شركة إنتاج وكل منتج يقراها يقولنا حلو أوي بس أنا مش هقدر أنتجه لإنه مش هيبقى قريب للناس".

وأضافت: "حدوتة الفيلم مختلفة لكن الفلسفة اللي وراها ممكن تبقى قريبة من أي حد في الدنيا، وقعدنا سنين نتأخر بتصوير الفيلم ، ولما عرفت إني حامل كان قبل وقت التصوير بيوم واحد، وكان جوايا مأساة إني تصوير الفيلم هيتأخر، وقتها قلت للمخرج هاني خليفة أنا عايز أقولك إني حامل قاللي ده كويس قلت له لأ مش كويس لإننا كده هنأجل تصوير الفيلم، قبلها كنت حملت كذا مرة والجنين كان بيقع فقلت الحمل ده هيعطلني عن الفيلم والحمل مش هيكمل في الآخر ولكن الحمد لله كمل وأنجبت ابني الوسطاني".