هلا رشدي: الميكاب أرتيست اتاخرت يوم الفرح قلتلهم مش فارق أنا أصلا حاضرة الفرح بالعافية

حل المطرب الكبير محمد الحلو والفنانة هلا رشدي ضيفين على البرنامج الشهير"معكم منى الشاذلى" الذى تقدمه الإعلامية منى الشاذلى على قناة ON، وتحدث هلا رشدى عن ذكريات بحفل زفافها قائلة: "أنا وأحمد ماكناش عاوزين نعمل فرح، وناخد الفلوس ونروح ننبسط بس أهلى وأهله كانوا مصممين".

واضافت هلا : "الميكاب أرتيست اتاخرت جدا يوم الفرح ومعملناش جلسة التصوير بس أنا قلتلهم مش فارق يعنى أنا أصلا حاضرة الفرح بالعافية، ولما الفرح انتهي كنا فى قمة السعادة، وأول فستان فرح شوفته اخترته على طول مدورتش كتير ولا حاجة".

وتابعت عن علاقتها بوالدها قالت هلا : "احنا 3 بنات وولدين، وعلى طول بابا بيقول أنا مش عارف مين اللى بيكونوا نفسهم في أولاد أنا كان نفسى يكون الخمس عيال بنات، فدايما بيحسسنا إننا حاجة كبيرة وغالية أوى".

في سياق متصل، تعاونت المطربة هلا رشدي مع الجيتاريست محمود صيام نجم فريق "مسار إجباري" في أغنية بعنوان "راحة"، التي طرحت على موقع يوتيوب، وتمزج الأغنية بين الشرقي والإيندي روك، ويقول مطلعها: "لما النفوس بتلقى راحه..بيكون تمامها في السكات"، ولاقت استحسان الجمهور فور طرحها.