تامر حسنى لثراء جبيل: فخور بأدائك الرائع اختيارى ليكي كان فى محله

طرح المطرب تامر حسني فيديو كليب أحدث أغانيه بعنوان "موحشتكيش" وهي من ألبوم "هرمون السعادة"، وكلمات أمير طعيمة، ألحان وتوزيع أحمد إبراهيم، ماستر على فتح الله، وتعاون فى الفيديو الكليب الفنانة ثراء جبيل.

في هذا السياق، بعد طرح الكليب كتبت ثراء جبيل : "أخيراً الكليب نزل أنا سعيدة جداً لاختيارى إنى أكون جزءا من كليب للفنان اللى بحبه أوى وبحب أغانيه وبيضحكنى من قلبى استمتعت بكل لحظة فى الأغنية.. شكراً ليك يا تامر على اهتمامك وإحساسك بكل تفصيلة عشان كل اللى حواليك يطلعوا بالصورة الراقية دى".

ليرد عليها المطرب تامر حسنى قائلا: "يا ثراء والله أنا اللى فخور بأدائك الرائع مبسوط بأدائك من قلبى الفنان اللى بتحبيه من وإنتى صغيرة والمخرج اللى وقفتى تمثلى قدامه ما شاء الله كل الناس حاسة إحساسك الجميل، اختيارى ليكى كان فى محله ، فعلاً تستحقي كل الخير و النجاح و أنا شايفك قريب جداً في مكانه كبيرة اوي اوي بإذن الله".