مدين عن تعاونه مع الهضبة: مكرس حياته للشغل

تحدث الملحن مدين، عن أغنيته"هتوحشنا" والتي قدمها مع عمرو دياب في الألبوم الأخير "مكانك".

وقال مدين في مداخلة هاتفية بأحد البرامج التلفزيونية، إنه سعيد بالتعاون مع الهضبة في أغنية بيوحشنا، مشيرًا إلى أن الأغنية كتبها تامر حسين، ووزعها أحمد إبراهيم.

وأضاف مدين: كنا فرحانين إحنا التلاتة بالنجاح لأنه تاني عمل لينا مع بعض مع الهضبة عمرو دياب، وأنا وتامر حسين وأحمد إبراهيم كل واحد عنده نجاحات كبيرة جدًا، ولما نجتمع إحنا التلاتة بيكون فيه حاجة حلوة، والروح حلوة بينا، بالإضافة إلى أن التعاون مع عمرو دياب له فرحة خاصة لإننا من معجبيه ومستمعيه.

وعن ملاحظاته على عمرو دياب قال:" لاحظت من شغلي مع عمرو دياب أنه مش بيهتم بأي حد غير الناس ومش بيهتم بنفسه وحياته الشخصية في حاجات كتير وممكن يجي على نفسه ويسهر لحد 7 الصبح ومش بيهتم أنه يعيش الحياة الطبيعية ويستمتع بنجاحه لأنه بيحب يوصل للناس ذوقه وكلنا بنتعلم منه حتى الصناع والفنانين لأنه مكرس حياته للشغل فقط.".