ريم البارودي تكشف عن تفاصيل دورها في حد فاصل لبرنامج free time مع يارا أحمد

تحدثت الفنانة ريم البارودي أثناء مداخلة هاتفية في برنامج "free time" مع الإعلامية يارا أحمد عبر قناة هي، وكشفت عن تفاصيل دورها في أحدث أعمالها الدرامية والذي تنتظر عرضه وهي حكاية بنات حمزة إحدى حكايات حد فاصل.

وتحدثت ريم البارودي عن علاقتها بالمخرج تامر حمزة، قائلة: "أنا الحكاية دي عزيزة جدًا على قلبي لأن هو مخرج عزيز جدًا على قلبي ومخرج موهوب ومخرج كبير ومش أنا طبعًا اللي هقيم أستاذ تامر أبدًا ولكن كان عندي تجربة سابقة معاه اللي هي قيد عائلي".

وتابعت: "إن شاء الله بنات حمزة من مسلسل حد فاصل هي أول بطولة ليا ويارب تعجب الناس، والشهر ده المفروض تبقى على منصة والقنوات ونخليها مفاجاءة".

وكشفت عن تفاصيل دورها في المسلسل، وقالت: "أنا عاملة شخصية ياسمين وهي كبيرة أخواتها البنات وحبيبة أبوها ومامتها وشخصية جدًا، ودايمًا الكبير والشخصية واللي مسؤول ممكن يغلط لإن الإنسان في الأول والآخر خطاء ده اللي هنتابعه وبتحب جدًا جوزها وشخصية حلوة جدًا وموجودة حقيقية وموجودة في المجتمع".

واختتمت حديثها مازحة: "شخصية تعبتني أوي وعلطول أستاذ تامر بيتعبني عشان يطلع أحسن حاجة عندي ويارب أطلع عند حسن ظن الجمهور وأطلع عند حسن ظن تامر نفسه ودعواتكوا".