أحمد العوضي يدعو جمهوره للاستمرار في حملات المقاطعة:« عندنا بدايل وإن كانت أقل جودة»

طالب الفنان أحمد العوضي الجمهور بالاستمرار في مقاطعة المنتجات الداعمة للاحتلال الإسرائيلي.

وكتب أحمد العوضي: حملة المقاطعة لازم نستمر عليها حتى وإن توقف العدوان.. احنا أكبر قوة شرائية في العالم لازم نتعود ان احنا مقاطعين لمنتجاتهم ومش عاوزنها وعندنا بديل لكل حاجة حتى وإن كان أقل جودة.. محدش بيموت من غير ماكدونالدز وبيبسي وكنتاكي وووووو.. بل بالعكس أكلهم الللي بيجيبلنا الوبا والمرض.

وتابع: ده أقل حاجة نقدر ننصر بيها دينا وأخواتنا وأقل حاجة نقدر نحارب بيها العدوان.. أن احنا منكونش سبب في أي جنيه يخشلهم.. ونعلم أولادنا أن المنتجات دي أصبحت من المحرمات يعني، نغرس في أولادنا أن الحاجات دي اجباري أنك تقاطعها.. مع الوقت مقاطعتنا هتجيبهم الأرض.. أخواتي اوعي تستهون بالمقاطعة ركعوهم وميكسبش منك جنيه.. حملات المقاطعة مستمرة وهتستمر ويارب نفضل مكلمين حتى وإن توقف العدوان.

وفى سياق مختلف كان أحمد العوضي شارك في حملات التطوع مع الهلال الأحمر للمشاركة في الإعداد لمساعدات أهل غزة.

وظهر أحمد العوضي في فيديو وهو يرتدي زي الهلال الأحمر وقال "مساء الفل إحنا طبعا عارفين اللي بيحصل في غزة لأهل غزة، أنا هنا في الهلال الأحمر، مع اخواتنا الأبطال المتطوعين ... احنا كلنا نزلنا بوستات على السوشيال لكن عايزين تصرفات فعليه، بطلب من اخواتي اننا نتبرع ولو بجنيه إحنا 105 مليون، لو عايز تتبرع بالدم اتبرع بالدم اعمل حاجة فعلية".