أول تعليق من أحمد سعد بعد إهداء جائزته بمهرجان الفضائيات لـ محمد رمضان

علق الفنان أحمد سعد على إهدائه جائزته للفنان محمد رمضان، في مهرجان الفضائيات العربية 2023، الذي أُقيم الأسبوع الماضي، وذلك خلال لقائه مع احدى البرامج.

وقال أحمد سعد: دا حبيب قلبي، الناس دايما تحب التحدي والمنافسة، أنا شخصيا لما بشوفه بتبسط وهو بيتبسط لما بنهزر مع بعض، جت لي مكالمات في إيه بينك وبين رمضان في كل الحب بينا.

وتابع: اتبسطت أكتر من الناس بحفلاتي الأخيرة، بشكر ربنا دايمًا، لأن طول عمري بتعب وبعمل كل اللي علي، لكن ربنا كرمني، ومبحبش الناس اللي بتقول إن زادت عبقريتي وفهمي للسوق الفني عشان كدة ربنا أكرمني، أنا ربنا اختار يكرمني دلوقتي لحكمة يعلمها.

وأضاف أحمد سعد: زمان كنت بغني أغاني صعبة وفيها طرب، دلوقتي بحب الناس تغني معايا، حاليًا مش خايف من الغرور، لأن فيه فرق بين الغرور والثقة بالنفس، وأنا بعيد كل البعد عن الغرور، بمتن بالفضل للناس اللي وقفت معايا، منهم الملحنون والشعراء هما السبب الرئيسي في نجاحي.

مهرجان الفضائيات

مهرجان الفضائيات يُعد أحد أكبر وأضخم المهرجانات في الوطن العربي، ويعتمد في جوائزه على تصويت الجمهور.

ويُقام مهرجان الفضائيات كل عام، لتحديد الأفضل على مستوى العديد من المجالات، مثل الدراما، السينما، البرامج، وغيرهم.