المستشارة هايدي الفضالي عن تصريحات محمد التاجى : عبارات شاذة والتعديلات القادمة عن حقوق الأب

هاجمت المستشارة هايدي الفضالي رئيس محكمة الأسرة سابقاً تصريحات الفنان محمد التاجي حول جواز الشباب والتي وصفتها بالعبارات الشاذة عن المجتمع المصري وتحمل اتهامات لقوانين الأسرة المصرية.

قالت هايدي الفضالي خلال مداخلة هاتفية فى احدى البرامج التليفزيونية: "انا شوفت بعض الكلمات الشاذة عن المجتمع من الفنان محمد التاجي وانا بعتبرها شاذة عن المجتمع عندنا ومش فاهمة هو الغرض منها توجيه رسالة للناس ان مفيش جواز بعد كدة عشان المصاريف الزاهدة البسيطة اللي بقت تتحصل عليها المرأة علشان تكون بيت، ومعظم الشكاوى اللي بتجيلي والبلاوي اللي شوفتها من الناس بسبب رجالة راحت صاحبت وصرفت فلوسها في مصاحبات دا المجتمع اللي شوفناه".

وتابعت: "قوانين المرأة وقوانين الرجل هي قوانين الأسرة المصرية اللي هدفها تحافظ على الكيان كامل عشان كدة القانون اهتم بقوانين المرأة وقانون الأب والتعديلات القادمة عن حقوق الأب في الاستضافة واننا مش عايزين قائمة المنقولات يبقى فيها حبس، يبقى مرأة ايه اللي هي واخدة حقها طب هي واخدة حقها في نفقة اكل وشرب عشان تأكل عيالك طب وقت التنفيذ ايه اللي بيحصل مفيش احكام بتتنفذ بالشكل السريع والصحيح بسبب كثرة القضايا".

وأضافت: "اعتقد انه قال عبارات بالمبالغة لكن ضرب مثال بشع لكن مهما كنت بتبالغ مينفعش ابدا لان احنا في مجتمع شرقي ولو هو بيقول الكلام دا عن جد لازم يُحاسب ولو عن هزار لكن لا ولا هزار ولا جد".