كهربا: تعرضت لضغوط كتير.. وقدرت أقف على رجلي تاني بعد إيقاف 6 أشهر

حرص محمود عبد المنعم كهربا، لاعب الفريق الأول لكرة القدم بالنادي الأهلي، على التعليق على ما قدمه مع فريقه خلال الموسم المنقضي عقب عودته من الإيقاف لمدة 6 أشهر.

وكتب كهربا، عبر حسابه الشخصي على موقع التواصل الاجتماعي «فيسبوك»: «بعد إيقاف 6 شهور الحمد لله قدرت أقف على رجلي تاني وبسرعة جدًا وأكمل مسيرتي.. موسم صعب وكله ضغوطات انتهى بإن الأهلي بطل كل حاجة وبكرم ربنا ودعم جمهور الأهلي قدرنا نحقق كل البطولات اللي شاركنا فيها مكنش هينفع اننا نستسلم في وسط الطريق كان لازم نكمل للآخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك واجتهد».

وأضاف «تعرضت لضغوط كتير وناس بتحاول إنها تعطلني بس ربنا كان دايمًا في ضهري ونصرني الحمد لله فأي ضغط من الضغوطات الكتير اللي اتعرضت لها كنت برميه وراء ضهري وأركز في تمريني وأركز في الملعب وأسعد جمهور النادي في محاولة إني أرد ولو جزء بسيط من فضل جماهير النادي في دعمهم ليا ووقوفهم في ضهري من أول يوم كنت فيه في النادي ولا أي كلام هيوفيهم حقهم ولا هيوصف اللي في قلبي من ناحيتهم».

واستطرد «الحمد لله قدرنا نحقق كل حاجة وفي النهاية بشكر كل شخص قدملي المساعدة ووقف جنبي من أول بيتي النادي الأهلي و مجلس الإدارة والمدير الفني والجهاز بأكمله وأخواتي في الملعب إلى عمال غرفة الملابس والمنظومة جميعًا وأشكر عائلتي الداعم الحقيقي والدائم في كل الأوقات».

واختتم تصريحاته «بشكر كل اللي وقف جمبي وكان بيشجعني وكان حافز إني أكمل وماستسلمش شكرًا من كل قلبي.. الحمد لله».