يهز كرشه ياخد فلوس.. سارة نخلة تعلق على انتقاد الجمهور لزيارة البلوجرز العالميين في مصر

تحدثت الإعلامية سارة نخلة على هجوم رواد السوشيال ميديا على زيارة البلوجرز العالميين لمصر وآخرهم البلوجر التركي ياسين جنكيز حيث ينتقدون اهتمام الرأي العام بزياراتهم واتهامهم "بالتفاهة".
كما استنكرت من هجوم بعض المصريين على تواجد البلوجر ياسين جنيكز قائلة:" ياسين جنكيز كل اللى بيعمله في حياته بيهز كرشة ومع ذلك يحترم لأنه عمل فكرة طلع بحاجة رقص رقصة ونزل فيديو على مواقع التواصل الاجتماعي وجالة فيوز كتير هيقول لأكل العيش لأ".

وأوضحت أن تواجد أمثال هؤلاء البلوجرز هام لترويج السياحة المصرية قائلة:" ياسين جنكيز مشهور في تركيا فلما يجي يصور العلمين والاهرامات والساحل واللي كلنا المفروض نفتخر بالأماكن دى فدا عنصر مهم جدا في السياحة نفسي أعرف لية بتنتقدوهم ".
وتابعت: كمان البلوجر الألمانى نويل روبنسون دة واحد هز شعره بدل كرشة دة حد مشهور أوي فلما متابعينه يشوفوا دة هيحبوا يجيوا مصر فأنا ضد أي حد بينتقد أي حد مش عارف يعمل زية هز صباعك ابتكر فكر في حاجة برة الصندوق كفاية انتقادات عماله على بطال خليك كرييتف".

برنامج"FACE OFF " تقدمه الإعلامية سارة نخلة يوميًا على شاشة قناة هي يوميًا من السبت إلى الأثنين وتستضيف خلالة عددا من نجوم الفن وتناقش القضايا المطروحة بين الجمهور.