بكلمات مؤثرة.. هالة صدقي تحيي ذكرى وفاة والدتها

نشرت الفنانة هالة صدقى صورة لوالدتها فى ذكري وفاتها ، عبر حسابها الشخصي بموقع التواصل الاجتماعى «إنستجرام» .

وكتبت هالة صدقي: زي النهاردة فقدت أجمل وأهم شيء في حياتي، فقدت صاحبتي وحبيبتي أطيب وأجمل أم في الدنيا.. ومهما حاولت اصطنع أني سعيدة إلا أني حقيقي مش قادرة أحس بأي فرح أو نجاح من غير وجودها جنبي حقيقي فراقها كسر ظهري.

وتابعت: مفيش لحظه بتعدي إلا وهي معايا، وبعد أربع سنين مش قادرة حتى افتح دولابها وشنطتها، حقيقي صعب، قضوا أطول وقت مع أمهاتكم اشبعوا منهم، الله يرحمها وتكون راضية عني.

أبرز تصريحات هالة صدقي:

وسبق وأن تحدثت الفنانة هالة صدقي عن سبب بعدها عن السينما موضحة أن المخرجين هما السبب في ذلك، كما تحدثت عن نجاح مسلس جعفر العمدة.

وقالت هالة صدقي خلال استضافتها في احدى البرامج : كنت سباحة وكل الأدوار اللي جيالي مايوهات والمخرجين بيستسهلوا، والمايوه كان بالنسبة ليا زي البنطلون لابساه وبتمرن بيه ليل نهار، ولقيت كل اللي جايلي بعد كده مايوهات للإثارة وبيصوروني بشكل مش مظبوط فوقفت السينما خالص.

وتابعت: كنت بفكر اعتزل الفن قبل جعفر العمدة لأن في تجارب مريت بيها وحسيت أن الحكاية باظت ومش اللي انا متربية عليه والورق اللي بيتكتب في اللوكيشن والبطل اللي ممكن يلغي المؤلف وبيغير المخرجين وكنت بلاقي لو معايا بطلة تاني ممكن المخرج يجاملها ومفيش حد بيشتغل لمصلحة العمل بيشتغلوا لمصلحة أشخاص.