طلاب كلية الحقوق بالإسكندرية عن نسبه الرسوب لعام 2023.. ”مش عاوزين تظلم”

منذ الأمس و تتعالى اصوات طلاب كلية الحقوق جامعة الإسكندرية، بعد إعلان نتائج امتحانات نهاية العام الدراسي 2023، والتي أسفرت عن ارتفاع غير مسبوق فى نسبة الرسوب بين الطلاب بالفرق الأربعة والتى تجاوزت الـ65%.

وتواجد طلاب كلية الحقوق داخل حرم الجامعة منذ الساعه 9 صباحآ، وسط تجمع كبير، مرددين:"مستقبلنا بيضيع و أحنا عاوزين تصحيح كامل لورق الامتحانات، لأن اللى بيحصل ده حرام".

صرحت الطالبه "سهيلة كامل" قائلة، انا شايله 6 مواد و معرفش ازاى، انا فى سنه أولى و تانية نتيجتى جيد جدآ، ازاى أشيل 8 مواد، و مادتين منهم جايبه نص فى المئه، انا لو كنت كاتبة أسمى فقط كنت هجيب نتيجة أكتر من كده.

و قال أحد طلاب الفرقه الرابعة "سمير فوزى"، انا ناجح فى ال3 سنين اللى فاتوا، ازاى السنه دى اشوف النتيجه ألاقى نفسى شايل 6 مواد، أنا بشتغل و بصرف على نفسى و على تعليمى، و عاوزينا نعيد السنة على درجات مش صحيحة، أحنا عارفين أننا ناجحين و لكن بيخلونا نعمل تظلمات على مواد احنا مقفلين النتيجة فيها 100%، مجهود و تعب و فلوس بيضيعوا وكمان بتضيعوا عمرنا.

و كان قد دشن طلاب كلية الحقوق بجامعة الإسكندرية، هاشتاج للتظلم من نتيجة العام الدراسي 2022/2023 وانتشر كثيرآ على منصات التواصل الاجتماعي و الذى جاء كالتالي:
#دفعاتحقوقجامعهاسكندريةاتظلمت_2023

أكد بعض الطلاب في الكلية أنهم توجهوا إلى إدارة الكلية لمقابلة عميد الكلية الدكتور محمد الفقي، والذي طالبهم بالتقدم بتظلمات لإعادة التصحيح، الأمر الذي رفضه عدد كبير من الطلاب، مشيرين إلى نسبة النجاح تصل إلى 40% في جميع الفرق، ملوحين بتحريك دعاوى قضائية للتظلم من النتيجة، و هيتقدموا بشكوى حماعية إلى إدارة الجامعة ووزارة التعليم العالى ومجلس الوزراء للتظلم من نتيجة الامتحانات التي تم الإعلان عنها.