”عيالنا هيموتوا” .. حزن و قهرة أولياء أمور طلاب حقوق الإسكندرية بسبب رسوب ابناءهم

تواجد عدد كبير أولياء أمور طلاب كلية الحقوق جامعة الإسكندرية، أمام مبنى الكلية قبل قليل، احتجاجآ على رسوب عدد ضخم من أبناءهم الطلاب بكلية الحقوق، و التى تعدت نسبه ال65%، بجميع المراحل الدراسية من السنة الأولى حتى السنه الرابعة.

وقال "محمد مفيد"، ولى أمر، "أنا بنتى لسانها تقل و أغمى عليها لما شافت النتيجه و شايله 8 مواد، مع أنها جايبه جيد جداً فى ال3 سنين اللى فاتوا، و روحنا بيها المستشفى و محجوزة فى العناية بسبب نتيجه مش بتاعتها، أنا متأكد انها ناجحة و الكلية ظلموا كل الطلبة السنه دى".

و قالت "فتحيه خالد" أحدى أولياء الأمور، "أبنى داخل كلية الحقوق بأرادته و بيحب الكلية جدا و كان نفسه يبقى وكيل نيابة و متفوق فى سنه أولى و تانية، ييجى السنه دى و يشيل 6 مواد ازاى، انا بطالب بتصحيح المواد مرة تانية و يخلوا الطالب يشوف ورقتة، ولو ساقط يبقى قلبه ارتاح، بس ميظلموش عيالنا و يضيعوا مستقبلهم.

وأضاف أولياء أمور طلاب حقوق الإسكندرية أنه تم تحرير دعاوى قضائية للتظلم من النتيجة، و سيتقدموا بشكوى جماعية إلى إدارة الجامعة ووزارة التعليم العالى ومجلس الوزراء للتظلم من نتيجة الامتحانات التي تم الإعلان عنها.