عزيز الشافعي: ”والله أبدًا”: حجر في بحر أمواجه هادية

علق الشاعر الغنائي والملحن عزيز الشافعي على ما حققته أغنية "والله أبدًا" من نجاح خلال الأيام الماضية والتي قدمها الهضبة عمرو دياب.
وقال عزيز الشافعي، عبر حسابه بموقع التدوينات الصغيرة، تويتر، تغريدة كتب بها، " والله أبدًا.. غنوة تثبت أن الذكاء الطبيعي ممكن يغنيك عن الذكاء الاصطناعي وإنك تقدر بعد ألف سنة تقريبًا من وفاة الشاعر الأندلسي ابن زيدون ترجعه ويبقى تريند والناس تدور عليه وتسمع حكايته تجربة جديدة حاولت بتقديمها أكسر الشكل المتعارف عليه للغنوة المصرية في الكام عقد اللي فاتوا".
وأضاف الشافعي، " ومن حسن حظي وحظ الغنوة إن عمرو دياب يصدق في التجربة دي ويقدمها التوزيع الموسيقي للغنوة للموزع الكبير عادل حقي ورؤية الهضبة معاه أكيد في إن المزيكا كمان تبقى فيها تجربة جديدة على الودن العربية، وعلى ودني أنا شخصيًا ومتفهم جدًا الصدمة أو المفاجأة اللي واضحة في ردود الأفعال سواء اللي حب الأغنية وطلعها السما ودول الأغلبية الحمد لله".
واستطرد، " أو اللي مفهمهاش وده طبيعي جدًا، أو اللي محبهاش احنا بس بنرمي حجر في بحر أمواجه هادية وهو بحر الأغنية المصرية اللي طول تاريخها مليانة تجارب واختراعات وتجديد وخروج عن المألوف في محاولات قام بيها أساطير قبلنا بنتعلم منهم، وبنحاول نقول رأينا ونطرح أفكارنا ونتمنى نكون دايمُا أو غالبا عند حسن ظنكم.. بهديلكم الغنوه بصوتي".