ريم طارق عن طلاقها من حسن شاكوش: ”في حاجات بتتعمل أنا مجبرة أساعده عليها”

كشفت ريم طارق، عن تفاصيل طلاقها من مؤدي المهرجانات حسن شاكوش، قائلة:"الموضوع مش خيانة ولا غياب عن البيت ولا سهر ولا رقص كل ده مكانش عاملي مشكلة.. بس كان في الأبشع منه".

وتابعت ريم طارق:"في حاجه حصلت بيني وبين حسن شاكوش خلتني أطلب الطلاق ولما واجهته بيها.. قالي هي دي عيشتي، بس أنا رديت عليه وقولتله أنا مش هقدر أكمل لأن في حاجه بتتعمل وأنا مجبره أني أنا أساعد عليها وبشوفه وهو بيعملها بس أنا مش هقدر ومش هجازف بنفسي".

وأضافت ريم طارق، أنها غادرت عش الزوجية ولم تأخذ معها أي شي من أغراضها الشخصية سوى "ترينج"، وذلك في تمام الساعة التاسعة مساء، وبعد أيام قليلة ذهبت للمنزل وجدت صورة معلقة مكتوب عليها ممنوع دخولي الكمبوند".

واختتمت ريم طارق حديثها، أن حسن شاكوش عرض عليها الصلح ولكنها رفضت وأهلها تدخلوا في الموضوع ولم تستطيع أن تعيش معه مرة أخرى.