أصالة عن نجاح حفلها الغنائي بـ اسطنبول: ”ليلة من ألف ليلة وليلة”

حققت المطربة أصالة نجاحا كبيرا خلال حفلها الغنائي الذي أقيم أمس في دولة اسطنبول حيث رفع الحفل شعار "كامل العدد"، وأعربت أصالة عن سعادتها الشديدة بعد انتهاء الحفل ونشرت مجموعة من الصور عبر حسابها الشخصي بموقع إنستجرام.

وكتبت أصالة :"كانت ليلة امبارح باسطنبول.. ليلة من ألّف ليلة وليلة.. كانت حلمّ عشناه.. حقيقة صوتي وصلّ لأعلى وأحلى نقطة برأسي حتّى فصلت عن الواقع، بس مو لحالي فصلت أنا وكلّ الشباب والصبايا والصغار أخدت بإيدهم ورحنا أحلى مشوار".

وتابعت أصالة حديثها قائلة:"الوجوه كلّها شغف وشوق وحُبّ وجمال وكانت من حلاوة الموجودين صار الشوف دقيق وملامح كلّ الوجوه انطبعت بروحي وما بتخيّل ممكن أنسى هالوجوه".

وأضافت أصالة:"وقفت بلحظة أمسك حالي عن بكا كان ممكن ما يوقف لمّا أصوات الشباب عليت وهم عم يقولوا أحلى اسم بقلبي (سوريا) خفت أضعف خفت أبكي خفت ما أعرف كمّل ومتل طفلة قويّة بدها تكمّل اللي اتوجدت مشانه غلبت دموعي وكمّلت".

وأختتمت أصالة :"شكرا على السّعادة اللي غمرتني أمان وفرح ورجعتني لأهلي أسمع لحن لهجتنا وشوف منّ كلّ بلد عربي شبّ وصبيّه قدّ مافرحوا فيّي أنا فيهم فرحت.. شكرا يا أصحابي الأوفياء يا أخواتي الغالين على هالزّينة الحلوة اللي علّقناها مبارح بليلتنا على روح من الحزن تعبانة وقلب من البعد موجوع.. لقاءنا دائماً غير على محبة صفائها إنساني ما بتعرف غير لغة واحدة لغة الحب والموسيقى".