برنسة عبد الغني: بعت كليتي بـ 10 آلاف عشان أعالج أمي.. وأحمد العوضي وياسر جلال بيبعتولي فلوس

حلت الفنانة برنسة عبدالغني، أشهر كومبارس في السينما، ضيفة على احدى البرامج التليفزيونية، وتحدثت فيه عن بيعها لكليتها بسبب مرض والدتها .

تصريحات برنسة عبد الغني

وقالت برنسة عبدالغني :' بتطلع متكلم على حسب الاخراج سامح عبد العزيز بيديني، والمخرج معتز التوني بيديني أدوار وكلام، وكمان المخرج مجدي ابو عميره، في ناس تانية مبتديش بيقعدوني على فاكهه أو خضار .

وتابعت:' لما بيكون في كلام بقبض من الانتاج لو مفيش بروح اقبض من المكتب.

برنسة عبد الغني تكشف عن أسماء الفنانين الداعمين لها ماديًا

وأضافت:' ربنا يخلي الفنانين اللي بيبعتولي فلوس على فودافون كاش، مدير أعمال ياسر جلال بيبعتلي ، والاستاذ احمد العوضي لما شافني في المسلسل الاخير تعبانة وكان عليا فلوس وايجار بعتلي المساعد على البيت، والأستاذة زينب وهبي بتبعتلي مدير أعمالها، وفاء عامر بعتتلي مرتين.

واستطردت:' أنا اللي بتصل بيهم لانهم قالولي لما تحتاجي حاجة اتصلي بينا، وفي نجوم كتير كتير اتصلت بيهم ومبعتوش، مفيش داعي اقول اسمهم".

واستكملت :' بعت كليتي ب ١٠ آلاف عشان امي وكنت أيامها مكنتش لسه اتعرفت بالفنانين، كنت سيبت الفن شوية وبسافر، مترددتش ابدا ولو كانت طلبت عيني كنت ادتهملها، أنا والدي متوفي وانا عندي سنتين واترييت في وسط خلاني في الدرب الاحمر والمغربلين والحسين والحتتت الشعبية دي وامي محرمتنسش من حاجته

وأردفت:' طلعت من تانية اعدادي علشان اشتغل الساعدها هي كانت شيف مطبخ عند البشوات بتوع زمان، وعند الناس الشبعانة، أنا كنت عائشة بدعاها اللي من غير. أم حاله يعم.

برنسة عبد الغني تتحدث عن والدتها

واختتمت حديثها قائلة :' حطالها صورتين عندي في الصالة، وأمي كانت بركة وحنان وكانت صحبتي وامي وحبيبتي وكنت بقوم الصبح تلاقيها عملالي كيك وشاي بلبن حسيت بكبر وعجز بعد ما ماتت رغم أنها ماتت في ٩٧.