ألفت عمر: حرق الدم والأعصاب في الشغلانة عملي كسل في الغدة الدرقية.. دعواتكم

كشفت الفنانة ألفت عمر عن تفاصيل حالتها الصحية ، وذلك عبر صفحتها الشخصية على موقع التواصل الإجتماعي الشهير “ فيسبوك ”.

وعلقت “ ألفت عمر ” قائلة : صباح الفل لما كتير سألوني إيه اللي حصلي قلت أقولكم طلع عندي كسل في الغدة الدرقية نتيجة حرق الأعصاب والدم في الشغلانة دي، والغدة بتعصبك وبتحجز الميه تحت الجلد وبتعطل الحرق في الجسم مهما عملت دايت مش هتخس وترجع زي ما كنت.

تابعت ألفت عمر حديثها قائلة : الحل جيم طول الوقت على الأقل 4 أيام في الأسبوع، دايت أكل وشرب حاجات معينة تزود الحرق وتهدى خالص وتعيش بأعصاب باردة اللي يحصل يحصل وفعلًا النجاح والبريق ليه وقته والأرزاق بيد الله.. مهما كنت شايفه نفسى شاطرة واستاهل.

وأضافت ألفت عمرها قائلة: عملت كده وخلال 3 أسابيع لشهر كانت دي النتيجة ولسه بكمل دعواتكم إن شاء الله أقدر أكمل من غير قلق مش مستاهلة صحتك بالدنيا.

والجدير بالذكر أن شاركت الفنانة أٌلفت عمر في الموسم الرمضاني 2023، من خلال مسلسل سره الباتع، إخراج خالد يوسف.