لهذا السبب اسم حلا شيحة يتصدر تريند جوجل

تصدرت الفنانة "حلا شيحة"، في الساعات الماضية تريند محرك البحث جوجل ، وذلك بعد إعلان رغبتها في العودة مرة أخرى إلى الفن، واعتذارها للفنان أشرف زكي، وزملائها في الوسط الفني.

وانتقدت الناقدة الفنية ماجدة خير الله، الفنانة " حلا شيحة"، التي أعلنت مؤخرًا رغبتها في العودة للفن، بعد خلع الحجاب الذي ارتدته لمدة أقل من عامين بعد آخر أفلامها “مش أنا” الذي عرض في موسم صيف 2021.

و قالت الناقدة الشهيرة : “أنا رأيي إن غيابها أو وجودها لا يترك أثر.. وإحنا بندي قيمة كبيرة جدًا بالحديث عن وجودها أو اختفائها.. هي فنانة محدودة الموهبة وفيه عشرات عشرات من الممثلين والفنانين الموهوبين بجد محتاجين إلى فرص”.

وتابعت "خير الله"، في مداخلة هاتفية في إحدي البرامج التلفزيونية : “فيه فنانات سواء خريجات معهد أو مش خريجات معهد ولكن موهوبين جدًا وأخدوا فرص وأثبتوا وجودهم أو لسه ناس تانية ما خدتش فرص ولكن موهوبين.. إحنا بنضيع وقت مع حد مش مهتم بالفن.. مش مهتم بالمهنة وبالعكس بيسيء إليها بيخلي الناس تعتقد إن المهنة دي شغلانة كده أي حد يقدر يخش فيها ويطلع زي ما هو عايز

وأضافت: “هي محدودة الموهبة الحاجات اللي هي اشتركت فيها نجاحها يعني هي كانت موجودة مع عادل إمام وشريف منير تفتكري هي اللي كانت موقفة الفيلم على رجله.. لأ طبعًا حتى في اللمبي.. اللمبي وعبلة كامل.. يعني هي كان حظها إن هي تتواجد في مجموعة أفلام معاها ناس هما اللي كانوا شايلين الحكاية.. هي كانت مجرد بنت لطيفة شكلها حلو.. خلاص الكلام ده كان من 18 سنة خلاص دلوقتي لم تعد البنت اللطيفة في 15 مليون واحدة طلعوا بعد كده موهوبين وحلوين وسنهم مناسب.