مي فاروق: استقلت من الأوبرا علشان مش بيطلبوني في حفلات

كشفت المطربة مي فاروق عن سبب استقالتها من دار الأوبرا المصرية، مُشيرة إلى أنها شعرت بتقييد بسبب توظيفها، كما أنها لا تتلقى عروضًا من دار الأوبرا لإقامة حفلات.

وقالت «فاروق» في تصريحات تلفزيونية: "استقلت من دار الأوبرا المصرية، ومن عمر 8 سنين وأنا في دار الأوبرا ومكنش فيه سبب للاستقالة، أنا مش موظفة دلوقتي، أنا بحب المكان دا واتربيت فيه، وكنت شايفة إن موظفة دي مقيداني في بعض الحاجات، ودلوقتي لو طلبوني في أي وقت أنا موجودة، وحسيت فكرة إني موظفة جوا المكان إني مضمونة طول الوقت، ومش واخدة القدر الكافي والمساحة اللي استحقها، وحبيت أرفع عنهم وعن نفسي الحرج".

وأضافت أنها ليست مُقصرة في إقامة الحفلات، ولكنها لا تتلقى عروضًا من دار الأوبر لإقامة الحفلات، وقالت: "أنا ما بـ أطلبش في حفلات داخل الأوبرا، الناس مفكرة إن أنا اللي مُقصرة واحنا بقالنا سنة و6 شهور مفيش دعوة جاتلي علشان أعمل حفلة في الأوبرا، ودا مش مزعلني، ونفسي أقول للناس إن مش أنا السبب، وفي جميع الأحوال دا بيتي وعمري ما هتبرأ منه وفي أي وقت أنا موجودة".

يُشار إلى مشاركة مي فاروق في حفل روائع الموجي مؤخرًا في المملكة العربية السعودية، تكريمًا لاسم الموسيقار الراحل محمد الموجي، وحصلت على إشادات كبيرة من الجمهور ونجوم الفن بعد غنائها أغنية أسأل روحك لـ أم كلثوم.