منة فضالي: الراجل يعيبه لسانه الطويل ولو اتعرضت للعنف الزوجي هارد القلم 4

تحدثت الفنانة منة فضالي، عن موقفها من العنف الزوجي، مؤكدة أنها اتخذت قرار الانفصال عن قناعة، ونصحت السيدات بألا تتزوجن من شخص بخيل.

وقالت «فضالي»، في تصريحات تليفزيونية، إنها تعرضت لنوع من أنواع العنف الزوجي، مُضيفة: "مش هانقول عنف زوجي ولكن مرة زمان مد إيده علي، ودي كانت صدمة انفصالي، وأنا بشوف الراجل اللي بيمد إيده على الست متخلف، ولو الموقف دهدا اتكرر دلوقتي كان هياخد القلم ده 3 أو 4، أكتر حاجة باكرها أن حد يمد إيده على وشي".

وأضافت أنها يمكن أن تتزوج شخصًا أقل منها على المستوى المادي، قائلة: "الراجل يعيبه جيبه ولسانه الطويل، ممكن أتجوز حد أقل من مستوايا المادي ولكن لحد معين، أكيد مش هاخده أصرف عليه، مش هاصرف على الكلاب والبيت وجوزي دي تبقى كارثة، ولازم يعرف يتعامل مع الأطفال".

ووجهت منة فضالي نصيحة للسيدات، قائلة: "نصيحتي للستات متتجوزيش راجل أكبر منك، ولا البخيل وعن تجربة، أنت مش مجبرة تشتغلي أو تأكلي أو تضحكي علشان ترضي حد".

وتابعت: "أهم سلاح للست أنها ما تحسش نفسها قليلة والثقة والاعتزاز بالذات، وفي ستات ناجحة أكتر من الرجالة".

وأكدت منة فضالي أنها لا تلتفت للانتقادات، قائلة: "مش نجاح شخصية نرجس في جعفر العمدة، بس اللي بينلي نفسنة الناس، في ناس في الشغلانة متضايقين إني باخد الفُرص دي، وسمعت ناس بودني بتقول لأ دي لا تصلُح، ولكن أنا ما اهتمتش ولا بارد".

واختتمت منة فضالي حديثها، قائلة: "عمري ما روحت لدكتور نفسي إلا لو بسبب دور، ومفيش مانع أورح لدكتور لو تطلب إني أروح لدكتور نفسي مش عيب".