والدة الشهيد كاريكا للرئيس مرسي

وقالت والدة الشهيد، في حديثها لبرنامج آخر النهار على فضائية النهار ، انت كذبت عليا والدليل الشهيد جيكا لأنك وعدتني بدم محمد قبل ما تبقى رئيس، والدم تاني نزل وانت رئيس، يبقى وعدك كاذب، ولكن بلاش تعمل للولاد اللي في التحرير حاجة . كما طالبت والدة الشهيد بمحاسبة مرسي لأنه لم يتحرك لمقتل الشهداء، على غرار الحكم على مبارك لأنه صمت لمقتل متظاهري ثورة 25 يناير. وأضافت طالما حاسبنا مبارك لأنه ترك شبابنا يموت في الثورة فهو لازم يتحاكم على شان دم جيكا وغيره . وواصلت مطلعتش ليه يا دكتور مرسي وقلت للداخلية مهما عملوا الأولاد متضربوهمش . وفيما يخص الاستفتاء على الدستور، قالت احنا متأكدين ان النتيجة هتبقى نعم والدفاتر بتيجي مكتوب عليها نعم في المناطق العشوائية زي عزبة الهجانة وغيرها بس هيتقال نعم على إيه؟ . واختتمت أم الشهيد كاريكا حديثها بقولها لو شفت مرسي هقوله، الوعد كاذب ومكنش بنية خالصة متصدقش رئيس قبل انتخابات دي كانت وعود انتخابية وكل ما وعد بيه أخلف بيه مفيش حاجة قالها اتعملت و عكسها هو اللي اتعمل .