عائشة بن أحمد: الجواز محتاج مجهود ومذاكرة

تحدثت الفنانة عائشة بن أحمد عن كواليس مشاركتها في مسلسل مذكرات زوج، الذي عُرض في السباق الرمضاني المنقضى، كاشفة عن أسباب تخوفها من الزواج.

وقالت عائشة بن أحمد، خلال لقائها في احدى البرامج : الفكرة اللي حاول المسلسل يطرحها إنه لازم يبقى فيه تواصل بين الزوج والزوجة طوال الوقت.

وتابعت عائشة بن أحمد، أنه لا بد أن يكون هناك وعي وذكاء في العلاقات الزوجية من أجل الاستمرار، مشيرة أن الكلمة التي تعطي أمل وتدل على الحب تجعل الطرفين مقبلين على الحياة، وأن استمرار العلاقة بعد 20 و30 عاما يحتاج لمزيد من المجهود والمذاكرة من جانب كلاهما الأخر.

وعن أسباب تخوفها من فكرة الزواج، أكملت عائشة بن أحمد: الجواز مش حاجة سهلة خالص، وهو محتاج مجهود وذكاء ومذاكرة ووعي، وكل حاجة وإلا الموضوع مش هيكمل، أو هيكمل ولكن لن يستمر فترة طويلة.

وأردفت عائشة: أنا بخاف، ومش عارفة لما أتجوز ويبقى أنا وحد تاني مقفول علينا بيت هبقى عاملة إزاي، هكمل إزاي، فببقى خايفة، ببقى شايفة ده من بعيد من خلال صحابي، وفيه حاجات بتطمن وفيه حاجات مبتطمنش خالص، أنا بحس إن الزواج محتاج مجهود من الطرفين.